مراجعة هاتف Redmi Note 10S – قنبله شاومي
نتحدث اليوم عن الهاتف الجديد من سلسله الريدمي نوت وهو ريدمي نوت 10 اس || Redmi Note 10S .. وهذه السلسله كبيره جدا وبها هواتف جديده وهواتف قديمه منها ما أثبت جدارته وحقق مبيعات كبيره وقد انضم لها حديثا هاتفين Redmi Note 10S و النسخه ال 5G منها .
التصميم
ريدمي نوت 10 اس بييجي بتصميم كويس جدا وخصوصا اللون البنفسجي الفاتح و الهاتف سمكه 8.3 مللي
وبأبعاد 160 في 74 .. مع حواف صغيره وشاشه كامله بكاميرا في المنتصف .
أيضا الهاتف بوزن خفيف 178.8 جرام .. والهاتف نسخه طبق الأصل من ريدمي نوت 10 والهاتف بالكامل من البلاستيك وسهل تستخدموا بايد واحده بكل سهوله .
ممكن يهمك بردو >> أرخص موبايل للألعاب بإمكانيات عالية
الشاشه
الشاشه بتيجي من نوع AMOLED | 60 Hz بحجم 6.43 بدقه FHD+ مع كثافه بكسلات 409 بكسل لكل انش .
أيضا يوجد على الهاتف طبقه حمايه من نوع Corning Gorilla Glass 3 .
تعقيب بس الشاشه ممكن تكون كنت مستني انها تكون 90Hz زي معظم الموبايلات اللي نزلت الفتره اللي فاتت بس أحب أقولك ان ال 90 مجرد رقم لان المعالج مش مديك الأداء الجامد اللي يخلي الصوره سلسه جدا زي الأيفون مثلا أو الفون اللي بـ 20 ألف جنيه مثلا ف انتاا واخد امكانيات و رام و معالج جامد مع شاشه 60 وهي هي ال90 مش فرق أصلا .
النظام
ريدمي نوت 10 اس بييجي بنظام أندرويد 11 واللي هو أحدث اصدار موجود حاليا ، مع واجهه شاومي MIUI 12.5 .
الأداء
Redmi Note 10S بييجي بأكثر من نسخه وهما : 64 ذاكره – 6 رام | 128 ذاكره – 6 رام | 128 ذاكره – 8 رام
الفون بييجي بمعالج Mediatek Helio G95 | ثماني النواه | بمعماريه 12 نانو واللي مش موفره أوي ولكن مش عيب جامد يعني ف نوت 10 اس لانك واخد امكانيات تعوضك عن حاجه زي دي .
الهاتف بييجي بمعالج رسومي Mali-G76 MC4 واللي يعتبر كويس جدا وبيشغل ببجي 60 فريم و معاه جيروسكوب كمان ، فلو انتا gamer جامد الموبايل ده حلو وهينفعك.
الفون كتصوير و مونتاج متوسط مش أحسن حاجه بس أنا عن تجربه ملاقتش لاج في اللعبه وقت التصوير الا قليل جدا ف نديلوا 9 من 10 .
ممكن يهمك بردو >> نقل الملفات من الايفون للكمبيوتر والعكس بدون كابل
كاميرات شاومي نوت 10s
كاميرات خلفيه
ريدمي نوت 10 اس بييجي بأربع كاميرات خلفيه مع فلاش LED وهما :
- 64 ميجابكسل ودي الأساسيه بفتحه عدسه f/1.8
- 8 ميجابكسل (ultrawide) بفتحه عدسه f/2.2
- 2 ميجابكسل (macro) بفتحه عدسه f/2.4
- 2 ميجابكسل (depth) بفتحه عدسه f/2.4
الكاميرات كويسه بالنسبه للسعر ولكن مش أحسن كاميرا تصوير لان انتاا بتشتري موب فئه اقتصاديه مش متوسطه حتى ، ف الصوره مع ايديت هتبقى جميله جدا .
تصوير الفيديو
- Redmi note 10s بيصور فيديو لحد 4K بمعدل فريمات 30 فريم في الثانيه
كاميرا اماميه
ريدمي نوت 10 اس بييجي بكاميرا اماميه وحيده في النص العلوي من الشاشه .
- الكاميرا بدقه 13 ميجا بكسل مع فتحه عدسه f/2.5 ، الكاميرا مش كويسه أوي الصراحه بس تأدي الغرض .
البطاريه و الشحن و بعض الميزات الأخرى
- بطاريه ريدمي نوت 10 اس 5000 مللي أمبير غير قابله للازاله .
- الفون بيدعم شحن سريع بمعدل 33W
- الفون بييجي ببصمه جانبيه ، مع دعم ميزه Face Unlock
- الفون بييجي بكابل Type C .
ممكن يهمك بردوا >> مواصفات Samsung Galaxy A52s سامسونج جالكسي أي 52 أس
التقييم النهائي
مميزات الهاتف
- شاشه كويسه جدا AmoLed بدقه FHD+ وبحواف قليله
- واجهه المستخدم اتحسنت كتير عن الأول وبقت أسرع وملاحظتش في الاستخدام تقطيع زي زمان الصراحه
- بطاريه كبيره وهتقضي معاك لو games مثلا من 4 ل 6 ساعات استخدام ، ويوم لو فيسبوك وسوشيال
- ميزه الشحن السريع اللي شايفها جامده الصراحه في فئه سعريه زي دي
- كمان الصوت ستيريو وفي سماعتين واحده فوق و التانيه تحت وصوتهم عالي جدا
عيوب الهاتف
- سخونه بسيطه ومش تعتبر عيب أصلا بس ضفتها جدعنه مني .
- الكاميرات سواء الأماميه أو الخلفيه كويسين بس الأماميه مش شايفها كويسه من وجهه نظري الصراحه ودي تحسب ع الموبايل لكن الخلفيه كويسين اوي ومناسبين ل سعرهم
- الشاشه 60 Hz واللي مش شايف انها تفرق عن ال 90 Hz كتير اصلا ووضحت في خانه الشاشه ليه مش هتفرق ف مش تعتبر عيب بس ضفتها رسميات وكده هاا ؟!
سعر ريدمي نوت 10 اس – Redmi Note 10S
- النسخه 64 – 6 || متوفره أونلاين بس ومش موجوده ف المحلات وسعرها 3800 ج.م
- النسخه 128 – 6 || متوفره في المحلات و أونلاين وسعرها 4,399 ج.م
- النسخه 128 – 8 || متوفره في المحلات و أونلاين وسعرها 4699 ج.م
ل هنا انتهت مقاله المراجعه .. حضرتك كل اللي محتاجوا تقرر اي من المميزات هيمشي معاك و اي العيوب اللي هتتعايش معاها وبس واتمنى تكون استفدت من المراجعه بشكل كبير .
